"Poder coñecer o que verdadeiramente é un centro penal creo que che fai ver doutra forma totalmente distinta este, facendo que rompas un pouco os prexuízos e estereotipos propios que nos marca a sociedade"
Patricia Cortés, alumna do curso de Verán "As novas vías de resinserción: módulos terapéuticos e módulos de respecto" celebrado os días 6, 7 e 8 de xullo.
Este curso, que se enmarca dentro do programa que oferta anualmente a UNED nos seus Cursos de Verán, reuniu a profesionais de recoñecido prestixio que abordaron a realidade da reeducación e a reinserción social, como punto de partida dunha evolución positiva das persoas encomendadas nunha institución penal.
Que foi o que che motivou a matricularche neste curso?
"A temática das prisións é algo que realmente me parece interesante, así que cando vin este curso non puiden reterme. Si, a primeira vez e non será a última".
Era a primeira vez que asistías a un curso de verán da UNED?
"Si, a primeira vez e non será a última".
Como valoras os contidos que se expuxeron e como se expuxeron?
"O contido do curso foi amplo, aínda que ás veces resultaba un pouco repetitivo por exemplo: 'art. 25.2', creo que non se me esquecerá. E en canto á exposición dos mesmos, houbo algúns que se me fixeron máis difíciles pola monotonía no fala pero a maioría fixérono moi ameno a pesar da constante teoría que tiñan que explicar".
Na túa opinión, que achegan estas actividades formativas dentro do propio centro penal?
"O poder coñecer o que verdadeiramente é un centro penal creo que che fai ver doutra forma totalmente distinta este, facendo que rompas un pouco os prexuízos e estereotipos propios que nos marca a sociedade. E doutra banda, creo que para os internos/as é moi produtivo saber que se existe unha reinserción, que leis lles axudan e demais".
Cambiarías algo destes cursos?
"A verdade que non".
Coñeces a UNED? E o Centro Asociado na Coruña? Que opinas da súa modalidade de ensino?
"Coñézoos e gústanme aínda que debo dicir que son moi partidaria da educación presencial xa que ir todos os días a clase fai que aprendas realmente cousas que non veñen nun temario".
------------------------~()~-----------------------
Más información del curso aquí.
Noticia inauguración del curso.
------------------------~()~-----------------------
Síguenos en:
